Nëse edhe ti mendon se çanta bën veshjen, atëherë ky artikull është për ty! Sepse mund të jesh me xhinse dhe një bluzë të thjeshtë, por nëse ke çantën e duhur, do të tërheqësh gjithë vëmendjen. Dhe tani që pranvera po afron, është momenti i duhur për një update në koleksionin tënd.
Pra, ku mund të gjesh çantat më të bukura në Tiranë?
- Tosca Blu
Nëse je fanse e klasit italian, atëherë Tosca Blu është dyqani i duhur për ty! Me një balancë perfekte mes chic dhe praktikes, çantat e tyre janë për vajzat që duan diçka të sofistikuar, por që nuk bëjnë kompromis me funksionalitetin. Pastel? Ngjyra të forta? Lëkurë e butë? – Tosca Blu i ka të gjitha!
Ku? Rruga “Sami Frashëri” & Toptani Shopping Center
- Alviero Martini 1A Classe
Nëse dëshiron një krijim ikonik, emblemë të një stili të përjetshëm, atëherë Alviero Martini është emri që duhet të kesh në radar! Këto çanta me printin e famshëm të hartës janë një statement piece, dhe një mënyrë për t’u ndjerë gjithmonë klas.
Ku? TEG , Toptani Shopping Center, Ring Center, Libri Universitar & Coin
- Pinko
Nëse ke dëgjuar për Pinko, e di që këto çanta janë sinonim i trendy dhe edgy. Pinko ofron çanta të vogla për mbrëmje glam, modele të mëdha për vajzat e zyrës dhe çdo model tjetër midis tyre. Pinko është thjesht marka që të bën të ndihesh fashion icon në çdo dalje.
Ku? Arena Center
- Brandville
Nëse je ajo vajza në kërkim të brandit të preferuar, atëherë Brandville është vendi yt. Një multibrand i kuruar me shumë finesë, ku mund të blesh e të shesësh çanta dhe aksesorë me sigurinë maksimale. Në Brandville mund të gjesh emra të njohur ndërkombëtarë dhe çanta që duket sikur sapo kanë dalë nga një sfilatë mode. Mbi të gjitha, Brandville garanton autenticitetin e çdo produkti, duke ofruar një burim të besueshëm për blerje luksoze.
Ku? Blv. “Bajram Curri”, Godina Agimi
- Multibrand
Kur thua Multibrand, thua “opsione pa fund”! Nëse ke një ditë ku s’ke vendosur ende çfarë vibe ke sot – casual, elegant, streetwear apo high fashion – Multibrand ka gjithmonë diçka për ty. Plus, është vendi perfekt për të gjetur marka të ndryshme në një vend të vetëm.
Ku? Arena Center
stylisphere
most read
