Fushata e Loewe për Ramazan 2025
Në shkurt 2025, shtëpia spanjolle e modës luksoze Loewe prezantoi fushatën e saj të parë për Ramazan, duke lançuar koleksionin “Silver Capsule Collection”, një dizajn nga JW Anderson.
Ky koleksion sjell një interpretim të ri të krijimeve ikonike të Loewe me tekstura metalike dhe qëndisje. Disa nga artikujt më të veçantë përfshijnë çantën Puzzle në lëkurë krokodili dhe çantën Flamenco me një finish të ndritshëm.
Fushata është realizuar nga regjisorja libanezo-sudaneze Dana Boulos dhe përqendrohet në temën e kohës dhe pritjes gjatë Ramazanit. Një orë druri me stil vintage simbolizon kalimin e ngadaltë të ditës deri në iftar, momenti i ndërprerjes së agjërimit, ndërsa më pas shfaqen skena të mbushura me gjallëri nga mbledhjet festive.
Në fushatë marrin pjesë një grup artistësh dhe krijuesish, të cilët Loewe i quan “New Arab Guard”.
Ndër figurat kryesore janë aktorja dhe regjisorja saudite Sarah Taibah, atleti olimpik Husein Alireza, regjisorja nga Emiratet Sarah Al Hashimi, artistja nga Omani Mays Almoosawiga Omani Mays Almoosawieshume te tjere.
“Silver Capsule Collection” u vu në dispozicion më 9 shkurt 2025 në butikë të përzgjedhur në Lindjen e Mesme dhe në Harrods të Londrës.
Ky koleksion është një shenjë e angazhimit të Loewe për të nderuar traditat kulturore dhe për të bashkëvepruar me komunitete të ndryshme përmes modës.
stylisphere
most read
