Shqipëri

“Hajt’ se rregullohet” – Qëndrueshmëri dhe adaptim

Një shprehje tipike shqiptare që tregon durimin dhe besimin se gjithmonë ka një zgjidhje. Edhe kur gjërat duken te vështira, shqiptarët dinë të gjejnë rrugën përpara intuitë, forcë dhe shpresë.

Itali

“Dolce far niente” – Arti i të mos bërit asgjë

Një nga filozofitë më të famshme italiane.

Të ndalosh, të shijosh momentin, të mos ndihesh fajtor që po pushon. Italia na mëson se jeta nuk është vetëm punë, por të gjesh kënaqesi në momentet e thjeshta.

Francë

“Joie de vivre” – Gëzimi i të jetuarit

Një shprehje që përmbledh gjithë elegancën franceze:

të shijosh jetën, artin, dashurinë, ushqimin, bisedat. Për francezët, cilësia e jetës është po aq e rëndësishme sa suksesi.

Greqi

“Zoi einai tora” – Jeta është tani

Greqia ka një mënyrë jetese që të fton të mos presësh “kohën e duhur”. Jeta jetohet tani, me pasion dhe prani në çdo moment.

Spanjë

“Mañana, mañana” – Nesër, nesër

Nuk është dembelizëm, por kujdes për veten, jo çdo gjë duhet bërë me vrap. Spanja na kujton se ndonjëherë kemi nevojë thjesht të ngadalësojmë.

Gjermani

“Ordnung muss sein” – Rregulli duhet të ekzistojë

Një shprehje që lidhet me disiplinën dhe organizimin. Ideja është e thjeshtë: rregulli ndihmon që jeta të funksionojë më mirë.

Turqi

“Keyif” – Shijimi i momentit

Keyif është t’i japësh vetes leje të ndalosh dhe të shijosh gjërat e vogla: një çaj të ngrohtë, një bisedë të këndshme, kohë me njerëzit që do. Një mënyrë e butë për t’i kujtuar vetes se nuk kemi gjithmonë pse të nxitojmë.

Portugali

“Saudade” – Mall, nostalgji, dashuri për atë që mungon

Një fjalë unike që përmbledh mallin, dashurinë dhe trishtimin e bukur njëkohësisht. Portugalia na mëson se edhe ndjenjat e dhimbshme janë pjesë e bukurisë së jetës.

Japoni

“Ikigai” – Arsyeja për të jetuar

Një nga konceptet më të njohura japoneze: vendi ku takohen pasioni, talenti dhe ajo që i jep kuptim jetës. Japonezët besojnë se lumturia vjen kur gjen arsyen tënde për t’u zgjuar çdo mëngjes.

Suedi

“Lagom” – As shumë, as pak, por mjaftueshëm

Filozofia suedeze e ekuilibrit: as shumë, as pak. Lagom na kujton se qetësia vjen kur mësojmë të jetojmë me masë dhe se ajo që është mjaftueshëm është pikërisht ajo që na duhet.

Marok

“Inshallah” – Nëse do Zoti

Më shumë se një besim, është pranimi i rrjedhës së jetës. Maroku na kujton të kemi durim dhe të mos përpiqemi të kontrollojmë gjithçka, sepse jo çdo gjë është në dorën tonë.

Danimarkë

“Hygge” – Rehati, ngrohtësi, momente të vogla lumturie

Një nga konceptet më të famshme të lumturisë.

Hygge është çaj i ngrohtë, qirinj, biseda të qeta, shtëpi komode. Lumturia gjendet në gjërat më të thjeshta.

Angli

“Keep calm and carry on” – Qëndro i qetë dhe vazhdo përpara

Një shprehje ikonike britanike për qetësinë, vetëkontrollin dhe elegancën përballë vështirësive. Emocione të forta… por gjithmonë të mbajtura me klas.

Brazil

“Alegria” – Gëzim i pastër

Një filozofi jete plot ngjyra, muzikë, vallëzim dhe energji. Brazili na kujton të jetojmë me zemër të hapur dhe optimizëm.

Hollandë

“Gezelligheid” – Atmosferë e ngrohtë dhe shoqëri e mire

Është ajo ndjesi kur je mes njerëzve që të bëjnë të ndihesh rehat, në një ambient të këndshëm. Për holandezët, lumturia lind shpesh nga koha e bukur që ndajmë me të tjerët.

Zvicër

“Qualität vor Quantität” – Cilësi para sasie

Një parim që pasqyron perfeksionizmin zviceran.

Më mirë pak, por perfekt. Në punë, në jetë, në zgjedhje.

Finlandë

“Sisu” – Forcë e brendshme, qëndrueshmëri

Një koncept unik finlandez për guximin, durimin dhe aftësinë për të vazhduar edhe kur gjithçka duket e vështirë.

SHBA

“The American Dream” – Ëndrra Amerikane

Besimi se çdo njeri ka një shans për të arritur sukses me punë dhe ambicie. Një filozofi e ndërtuar mbi shpresën dhe dëshirën për një jetë më të mirë.

Indi

“Namaste” – Respekt për shpirtin brenda teje

Më shumë se përshëndetje, është filozofi jete.

Respekt, qetësi, lidhje shpirtërore dhe harmoni me të tjerët.