Jemi të sigurt që shumica prej jush e njohin Le Gabriel, për ambientin me design të veçantë, e sidomos për cilësinë e ushqimit. Por jemi akoma më të sigurt që shumë prej jush, po e prisnin këtë review nga Stylisphere, ndaj here we go:

Shërbimi: Që në hyrje të restorantit pasqyrohet standardi i shërbimit, me mirësjellje e plot finesë. Kamarierët na ndihmuan të akomodohemi aty ku ndiheshim më rehat, e më tej na ndihmuan me sugjerimet e tyre tepër të kujdesshme e të sakta.

Menuja: Nga menuja e ushqimit do veçonim praktikisht, çdo gjë! Nga krudot e deri te kroketat e peshkut, apo peshku në zgarë e salmon tataki me salcën e veçantë, të gjitha ishin të gatuara në mënyrë fantastike, duke mos i humbur asnjë produkti freskinë e detit dhe shijen që i karakterizon.
Do të veçonim gjithashtu menunë e verërave, për larmishmërinë dhe çmimet e ndryshme e mëse të arsyeshme të të gjitha kategorive.

Ambienti: Komod, privat dhe intim. Pa lëvizje të shumta, e me hapësirë gjë që i krijon secilit prej klientëve komoditetin që dëshiron.
Nuk do e sugjeronim për fëmijë, por padiskutim ideal për një drekë apo darkë në ambient të qetë me këdo qofshi.

Çmimet: Me bindje themi se është një nga të paktat vende në Tiranë ku cilësia e gatimit tejkalon çmimet…
I thamë të gjitha, juve ju mbetet vetëm të rezervoni 🙂