Hermès është një nga shtëpitë më të njohura të modës luksoze në botë, e themeluar në vitin 1837 nga Thierry Hermès në Paris.
Fillimisht, kompania prodhonte pajisje lëkure për kalërim.
Me kalimin e viteve u zgjerua në veshje, aksesorë dhe çanta luksoze, duke ruajtur mjeshtërinë artizanale dhe cilësinë e jashtëzakonshme.
Çanta Kelly fillimisht u krijua në vitin 1935 nga Émile-Maurice Hermès dhe ishte menduar si një çantë elegante për gra. Fillimisht quhej Sac à Dépêches dhe u përdor si një çantë për dokumente ose përdorim të përditshëm.
Në vitin 1956, princesha Grace Kelly e Monakos e përdori çantën për të fshehur shtatzëninë nga paparacët. Fotoja e saj me çantën u bë virale (për kohën) dhe Hermès e riemërtoi çantën me emrin e saj – Kelly.
Çanta Birkin u krijua në vitin 1984 pas një rasti të rastësishëm.
Aktorja dhe këngëtarja britanike Jane Birkin ishte ulur pranë Jean-Louis Dumas, drejtorit kreativ të Hermès, gjatë një fluturimi nga Parisi në Londër. Gjatë bisedës, ajo u ankua se nuk gjente një çantë praktike dhe të bukur për përdorim të përditshëm. Dumas, i frymëzuar nga nevojat e saj, krijoi çantën ikonike që mori emrin Birkin.
stylisphere
most read
