Mbrëmjen e djeshme, Stylisphere darkoi (jo për herë të parë) tek @somavinylstation.
Shumë prej jush mund të keni dëgjuar për dizajnin e veçantë që e bën të dallohet nga lokalet e tjera dhe për atmosferën unike që krijohet tek Soma, jo vetëm gjatë fundjavës, por edhe në ditët e javës.
Me dy vendndodhje të tjera edhe në Prishtinë (në qytet dhe në Gërmi), Soma Vinyl Station ka rënë në sy që në fillimet e saj edhe këtu në Tiranë, midis mijëra lokaleve të tjera. Por se çfarë e bën të veçantë tjetër, do ta zbuloni nga detajet e eksperiencës sonë më poshtë:

*Shërbimi: Stafi ishte shumë i sjellshëm, i shpejtë dhe korrekt. Çunat që shërbenin, gjithë kohës të buzëqeshur, e duke na ardhur në ndihmë me sugjerimet e duhura, sa hap e mbyll sytë 🙂

*Ambienti: Nëse hedh një sy rreth e rrotull, të kthen pas në kohë. Nga tipologjia dhe dizajni unik, Soma është një nga vendet më IN dhe më moderne në Tiranë.
Por nëse do sugjeronim diçka : tavolinat brenda në lokal mund të ishin pak më të distancuara, duke qenë se bashkë me muzikën e zhurmën e njerëzve hera herës krijohej vështirësi për të biseduar, deri në diskomfort.

*Menuja: Menunë do ta përkufizonim si një nga më të veçantat që kemi hasur në Tiranë, me specialitete që nuk i gjen askund tjetër.
Do të veçonim Banana Chips me salcë Guakamole, me një shije shumë interesante e unike. Dhe padiskutim, Gyozat me mish viçi e salcën fantastike dhe Bao Buns me black angus.
Megjithatë në tërësi, çdo pjatë nga menuja kishte karakteristikat e veta super të veçanta – që nga mishi e deri te sushi. Dheeee ëmbëlsirën crème brûlée, me akullore dhe ananas të karamelizuar…më të veçantë EVER, si në shije dhe në servirje 🙂

*Çmimet: Për standardin që ofrohet, atmosferën e krijuar dhe njerëzit që e frekuentojnë, do ta veçonim si një nga restorantet ku çmimi justifikon më së miri shërbimin dhe cilësinë e ofruar.
I vendosur në një nga blloqet pranë Piramidës, përtej pozicionit të veçantë që ka, Somën do e diferenconim gjithashtu si një nga lokalet me atmosferën më të këndshme për një mbrëmje mes miqsh apo një cocktail gjatë fundjavës nën ritmet e dj.
Ndaj, e dini vetë tani…😉