Bërja e ushtrimeve pa udhëzim
Nëse sa keni filluar palestrën dhe keni zgjedhur të stërviteni me pesha, kërkoni një instruktor dhe pyeteni në lidhje me llojin e stërvitjes që dëshironi të ndiqni pa frikë apo siklet; ju thjesht po i kërkoni atij të bëjë punën e tij.
Nënvlerësimi i nxehjes
Trupi yt nuk është makinë që ndizet menjëherë! Dhimbjet dhe tendosjet e muskujve janë shpesh rezultat i ngrohjes së pamjaftueshme. Dediko 8-10 minuta kardio të lehtë, pasuar nga stretching përpara se të kalosh në peshëngritje.
Teknika e gabuar e stretching
Mos u “tundni” gjatë zgjatjes së muskujve! Ky është një nga gabimet më të zakonshme që shkakton tendosje dhe dëmtime të ligamenteve. Në vend të kësaj, zgjateni me delikatesë muskulin për 20-30 sekonda.
Pritshmëri shumë të larta
Sapo filluat apo nuk jeni stërvitur për një kohë të gjatë? Pyeteni veten: “A kam vendosur një objektiv tepër të lartë?” Nëse nuk mund të mbani një aktivitet për më shumë se 20 minuta, ndoshta duhet të rishikoni planin tuaj. Mos harroni, Roma nuk u ndërtua për një ditë!
Dehidratimi
E dinit që një stërvitje 45-60 minutëshe ju bën të humbni 1-1.5 litra lëngje? Sigurohuni që të pini 8-12 gota ujë në ditë. Hidratimi është sekreti i performances së mirë!
Teknika e gabuar e ngritjes së peshave
Ndiheni krenar me veten kur ngrini shumë pesha të rënda? Por kur instruktori ju sugjeron të ngadalësoni lëvizjet dhe të kontrolloni frymëmarrjen, papritur pesha duket shumë e rëndë! Pse? Sepse po përdorni inercinë, jo forcën tuaj. Ngadalësoni dhe dëgjoni këshillat e ekspertëve!
Teprimi me stërvitjen
Keni arritur në një pikë ku sa më shumë stërviteni, aq më keq ndiheni? Pushoni! Sa më shumë stërviteni, aq më shumë kohë i duhet trupit tuaj për të rimarrë energji. Pushimi është pjesë e stërvitjes!
Mbingarkesa selektive
Bëni të njëjtat ushtrime çdo herë që stërviteni? Nëse po, jeni në rrezik për dëmtime. Ndryshoni rutinën tuaj për të sfiduar trupin në mënyra të ndryshme dhe për të parandaluar lodhjen e tepruar të të njëjtave muskuj.
Mungesa e varietetit
Trupi juaj përfiton nga aktiviteti i vazhdueshëm dhe i fokusuar. Por nëse qëllimi juaj është humbja e peshës, duhet të ndryshoni jo vetëm zgjedhjen e ushtrimeve, por edhe kohëzgjatjen, intensitetin dhe frekuencën.
Mungesa e konsistencës
Stërvitja herë pas here është më mirë se asgjë, por nuk do të shihni rezultatet që mund të vijnë nga një program i vazhdueshëm stërvitjeje. Konsistenca është çelësi i suksesit! Bëjeni stërvitjen një zakon, jo një përpjekje të rastësishme.
stylisphere
most read
