Në vitin 2016, biologu japonez Yoshinori Ohsumi fitoi Nobel Prize in Physiology or Medicine për zbulimin e mekanizmave të autofagjisë; procesi ku qelizat “pastrojnë” dhe riciklojnë pjesët e dëmtuara të tyre.

Ky proces aktivizohet më shumë kur trupi qëndron për disa orë pa ushqim, si për shembull, gjatë agjërimit.

Kur trupi nuk merr energji nga jashtë, organizmi fillon të përdorë dhe të rinovojë burimet e veta të brendshme, duke ndihmuar qelizat të funksionojnë më mirë dhe të përshtaten me stresin.

Autofagjia lidhet me shëndetin qelizor dhe procesin e plakjes, por nuk është një kurë për sëmundje dhe nuk zëvendëson kujdesin mjekësor.