Lufta mes mendjes dhe trupit

Gjatë një stërvitjeje të vështirë, nuk mendon vetëm për muskujt që digjen apo për frymën që të mungon.

Mendja fillon të shkojë diku tjetër…te jeta jote, te vendimet që ke marrë, te gjërat që ke shtyrë, te njerëzit që ke humbur, te ëndrrat që ende i mban gjallë.

Në ato minuta lodhjeje, kujton biseda që nuk i ke mbyllur kurrë siç duhet, zgjedhje që do doje t’i kishe bërë ndryshe, dhe momente kur do të kishe dashur të ishe më i fortë, më i qartë, më i guximshëm.

Dhe ndërsa trupi vazhdon të lëvizë, pa e kuptuar, po përpunon gjithçka që të rëndon… zhgënjime, pritshmëri, frikëra, shpresa…sikur çdo përsëritje të jetë një mënyrë për t’i lënë pak nga pak pas.

Në fund, nuk ndihesh vetëm më i lodhur.

Ndihesh më i lehtësuar.